Álagspróf

Forsenda fjármögnunar fjármálafyrirtækja; banka og tryggingafélaga, hvílir á mati lánveitenda og fjármagnseigenda á greiðsluhæfi lántakanda. Einsleitni, áreiðanleika, nákvæmni og óhlutdrægni þarf til að skapa trúverðugleika og góða greiðsluhæfisgreiningu sem opnað geta möguleika á hagstæðum fjármögnunarkjörum. Með aukinni samtvinnun fjármálamarkaða á milli landa, hafa yfirvöld lagt þær kröfur á herðar fjármálafyrirtækjum að áhætta og eignasamsetning fyrirtækjanna sé þannig úr garði gerð að hún ógni ekki fjármálalegum stöðugleika efnahagskerfisins í heild.

Álagspróf eru notuð til að kanna hvernig eignasöfn; tryggingasöfn, verðbréfasöfn og lánasöfn, reiðir af þegar að steðja óvæntir atburðir í efnahagsumhverfinu, eða þegar efnahagsþróun tekur nýja og óhagstæða stefnu fyrir fyrirtækið. ÞOR hefur á að skipa sérfræðingum sem sérhæfa sig í gerð álagsprófa.

Hugbúnaðargerð

ÞOR býr yfir fjölbreyttri þekkingu á sviði hugbúnaðarþróunar, með sérhæfingu á sviði mannvænnar hönnunar. Sérfræðingar ÞOR hafa unnið við ráðgjöf og hugbúnaðarþróun hjá þekktum alþjóðlegum stórfyrirtækjum á borð við IBM, GlaxoSmithKline, Ericsson, Motorola og AT&T.

ÞOR framkvæmir notendarannsóknir til að aðstoða fyrirtæki við að skilgreina væntanlega notendur, aðstoðar við þarfagreiningu og kröfusöfnun, gerð noktunarlíkana og framkvæmir notkunargreiningu á hönnun eða frumgerðum hugbúnaðar.

Tölfræði

Góð stefnumótun byggist á heildstæðri greiningu á gögnum; bæði magnbundnum (byggð á tölulegum mælingum) og eigindlegum (byggð á upplýsingum sem ekki er hægt að lýsa með tölum). Tölfræðin býr yfir greiningaraðferðum sem gerir mönnum kleift að meðhöndla töluleg gögn með kerfisbundnum hætti og draga ályktanir út frá þeim. Tölfræðileg greining felur í sér að búa til verðmætar tölulegar upplýsingar úr gögnum, sem er nauðsynlegur þáttur vandaðrar stefnumótunarvinnu.

Í okkar hópi er að finna tölfræðinga sem og rannsakendur sem eru menntaðir á öðrum sviðum, svo sem hagfræði, verkfræði og sálfræði, sem hafa yfirgripsmikla þekkingu og reynslu í meðhöndlun gagna og hagnýtri tölfræði. Hinn þverfaglegi hópur veitir þjónustu og ráðgjöf á öllum sviðum gagnavinnslu; gagnasöfnun, greiningu og túlkun gagna. Þannig getur ÞOR orðið fyrirtækjum og opinberum aðilum innan handar með greiningarverkefni til langs eða skemmri tíma og boðið upp á afburðarþekkingu sem áður hefur reynst mörgum fyrirtækjum og stofnunum of dýr til að viðhalda í eigin rekstri.